എൻ.ആർ.ഐ കൗൺസിൽ ഓഫ് ഇന്ത്യ തമിഴ് നാട് സംസ്ഥാന കമ്മിറ്റി ഭാരവാഹികൾ തമിഴ് നാട് ഗവർണ്ണറെ സന്ദർശിച്ചു.

എൻ.ആർ.ഐ കൗൺസിൽ ഓഫ് ഇന്ത്യ തമിഴ് നാട് സംസ്ഥാന കമ്മിറ്റി ഭാരവാഹികൾ തമിഴ് നാട് ഗവർണ്ണർ ശ്രീ . രാജേന്ദ്ര വിശ്വനാഥ് അർലേക്കറെ ചെന്നൈ ലോക് ഭവനിൽ വച്ച് സന്ദർശിച്ചു.കൗൺസിൽ ദേശീയ ചെയർമാൻ പ്രവാസി ബന്ധു ഡോ.എസ്. അഹമ്മദ്, തമിഴ്നാട് സംസ്ഥാന കമ്മിറ്റി ചെയർമാൻ രഞ്ചിത് മുല്ലമഠം, ജനറൽ കൺവീനർ
കെ.ബി.. മോഹൻദാസ്, വനിതാ വിഭാഗം ചെയർപെഴ്സൺ ലിസി രഞ്ചിത്, കേരള ഘടകം വൈസ് ചെയർമാൻകെ.എൻ.എ. അമീർ, ദേശീയ സീനിയർ വൈസ് ചെയർമാൻ സത്താർ ആവിക്കര, ദേശീയ വിമൻസ് വിംഗ് ചെയർപെഴ്സൺ ജെലി ജോർജ് എന്നിവരാണു ഗവർണ്ണറെ സന്ദർശിച്ചത്.മടങ്ങിയെത്തിയവരുൾപ്പെടെയുള്ള തമിഴ് നാട് പ്രവാസികളുടെ ക്ഷേമത്തിന് പദ്ധതികളാവിഷ്ക്കരിക്കുന്നതിന് തമിഴ് നാട് സർക്കാരിനോട് അഭ്യർത്ഥിക്കണമെന്ന നിവേദനം ഗവർണ്ണർക്ക് സമർപ്പിച്ചു.
ആഗസ്റ്റ് ആദ്യവാരം ചെന്നൈയിൽ വച്ച് നടക്കുന്ന എൻ.ആർ.ഐ കൗൺസിലിന്റെ 23 – മത് ദേശീയ സമ്മേളനം ഉദ്ഘാടനം ചെയ്യുന്നതിന് ഗവർണ്ണറെ ക്ഷണിച്ചു. അനുഭാവപൂർവ്വം പരിഗണിക്കുകയും ചെയ്തു.