വൈറ്റ് ഹൗസിലും കെന്നഡി സെന്ററിലും ട്രംപ് നടത്തുന്ന നവീകരണ പ്രവർത്തനങ്ങൾ വെറും “അഹങ്കാര പദ്ധതികളെന്നു” പരിഹസിച്ചു ബൈഡൻ.
വാഷിംഗ്ടൺ: മുൻ അമേരിക്കൻ പ്രസിഡന്റ് ജോ ബൈഡൻ, നിലവിലെ പ്രസിഡന്റ് ഡൊണാൾഡ് ട്രംപിനെ കടുത്ത ഭാഷയിൽ പരിഹസിച്ചു.ജൂൺ 27-ന് മേരിലാൻഡിൽ നടന്ന ഒരു ചടങ്ങിലാണ് ബൈഡന്റെ ഈ പരാമർശം. വൈറ്റ് ഹൗസിലും കെന്നഡി സെന്ററിലും ട്രംപ് നടത്തുന്ന നവീകരണ പ്രവർത്തനങ്ങൾ വെറും “അഹങ്കാര പദ്ധതികൾ” ആണെന്ന് ബൈഡൻ ആരോപിച്ചു.
ട്രംപ് സ്വന്തം പേരിൽ ഒരു ആർച്ച് നിർമിക്കാൻ ശ്രമിക്കുന്നുവെന്നും, ലിങ്കൺ മെമ്മോറിയൽ റിഫ്ലെക്റ്റിംഗ് പൂൾ നന്നാക്കാൻ സ്വന്തം ആളുകളെ ഏൽപ്പിച്ചുവെന്നും ബൈഡൻ കുറ്റപ്പെടുത്തി. ഈ പദ്ധതികളിലെ പണച്ചെലവിനെക്കുറിച്ചും ക്രമക്കേടുകളെക്കുറിച്ചും ഇതിനകം തന്നെ വ്യാപക വിമർശനങ്ങൾ ഉയർന്നിട്ടുണ്ട്.
2024-ലെ പ്രസിഡന്റ് തിരഞ്ഞെടുപ്പിൽ ജോ ബൈഡന്റെ രാഷ്ട്രീയ ഭാവി തകർത്ത സംവാദത്തിന്റെ രണ്ടാം വാർഷിക ദിനത്തിലാണ് ട്രംപിനെതിരെയുള്ള അദ്ദേഹത്തിന്റെ ഈ കടുത്ത പ്രതികരണം എന്നത് ശ്രദ്ധേയമാണ്.
പി പി ചെറിയാൻ
