അമേരിക്കയുടെ 250-ാം സ്വാതന്ത്ര്യ വാർഷികം: പ്രസിഡന്റ് ട്രംപിനും യു.എസ്. ജനതയ്ക്കും മോദിയുടെ ഹൃദയം നിറഞ്ഞ ആശംസകൾ.
ന്യൂഡൽഹി: അമേരിക്കയുടെ ചരിത്രപരമായ 250-ാം സ്വാതന്ത്ര്യ വാർഷികത്തോട നുബന്ധിച്ച് ഇന്ത്യൻ പ്രധാനമന്ത്രി നരേന്ദ്ര മോദി യു.എസ്. പ്രസിഡന്റ് ഡൊണാൾഡ് ട്രംപിനും അമേരിക്കൻ ജനതയ്ക്കും ഹൃദയം നിറഞ്ഞ ആശംസകൾ നേർന്നു. 140 കോടി ഇന്ത്യൻ ജനതയുടെ പേരിലാണ് ആശംസകൾ അറിയിക്കുന്നതെന്ന് അദ്ദേഹം ഔദ്യോഗിക X പ്ലാറ്റ്ഫോമിലൂടെ പങ്കുവെച്ച സന്ദേശത്തിൽ വ്യക്തമാക്കി.
ഇന്ത്യ–അമേരിക്ക ബന്ധത്തിന്റെ ശക്തമായ അടിത്തറ ജനാധിപത്യം, സ്വാതന്ത്ര്യം, നിയമവാഴ്ച എന്നീ പങ്കിട്ട മൂല്യങ്ങളാണെന്ന് മോദി ചൂണ്ടിക്കാട്ടി. ഈ തന്ത്രപ്രധാന പങ്കാളിത്തം ആഗോള സമാധാനത്തിനും സ്ഥിരതയ്ക്കും പുരോഗതിക്കും കൂടുതൽ കരുത്തേകുന്ന ശക്തിയായി തുടരുമെന്ന പ്രത്യാശയും അദ്ദേഹം പ്രകടിപ്പിച്ചു.
“1.4 ബില്യൺ ഇന്ത്യക്കാരുടെ പേരിൽ, നിങ്ങളുടെ സ്വാതന്ത്ര്യത്തിന്റെ ചരിത്രപരമായ 250-ാം വാർഷികത്തിൽ പ്രസിഡന്റ് ഡൊണാൾഡ് ട്രംപിനും അമേരിക്കൻ ജനതയ്ക്കും എന്റെ ഹൃദയം നിറഞ്ഞ അഭിനന്ദനങ്ങൾ അറിയിക്കുന്നു,” എന്ന് മോദി സന്ദേശത്തിൽ പറഞ്ഞു.
അടുത്ത 250 വർഷങ്ങൾ അമേരിക്കയ്ക്ക് കൂടുതൽ സമൃദ്ധിയും സമാധാനവും പുരോഗതിയും കൈവരുത്തട്ടെയെന്നും, ഇന്ത്യ–അമേരിക്ക ഉഭയകക്ഷി ബന്ധം പുതിയ ഉയരങ്ങളിലേക്ക് വളരാൻ ഈ ചരിത്രനേട്ടം വഴിയൊരുക്കട്ടെയെന്നും അദ്ദേഹം ആശംസിച്ചു.
