വത്തിക്കാനിലേക്ക് തീർത്ഥാടനം: പൗരസ്ത്യ സഭകളുടെ ജുബിലിയിൽ പങ്കെടുക്കാം
റോം : കത്തോലിക്കാ സഭയുടെ പൗരസ്ത്യ സഭാവിഭാഗങ്ങളുടെ വിശ്വാസപരമായ പൈതൃകത്തിൻ്റെയും ഐക്യത്തിൻ്റെയും മഹത്തായ സാക്ഷ്യമായി, 2025 മെയ് 12 മുതൽ 14 വരെ റോമിൽ ജുബിലി ആഘോഷങ്ങൾ സംഘടിപ്പിക്കപ്പെടുന്നു. കിഴക്കൻ സഭകളുടെ റോമിലെ ഉത്തരവാദിത്വം വഹിക്കുന്ന ഡിക്കാസ്റ്ററി ഫോർ ദ ഈസ്റ്റേൺ ചർച്ചസ് ക്രമീകരിക്കുന്ന ഈ ചരിത്രപരമായ ആഘോഷങ്ങൾ വിശുദ്ധ പത്രോസിന്റെ അതിരൂപതയുമായി ചേർന്നാണ് നടത്തപ്പെടുന്നത്.
ഡിക്കാസ്റ്ററിയുടെ പ്രീഫക്ട് കിഴക്കൻ സഭകളുടെ എല്ലാ ബിഷപ്പുമാർക്കും, പുരോഹിതന്മാർക്കും, ഡീക്കന്മാർക്കും, മതസന്ന്യാസികൾക്കും വിശ്വാസികൾക്കും സമ്മേളനത്തിൽ പങ്കെടുക്കുവാൻ ക്ഷണം നൽകിയിട്ടുണ്ട്. മെയ് 13-ന് വിശുദ്ധ പത്രോസിന്റെ ബസിലിക്കയിൽ ഉച്ചക്ക് 1 മണിക്ക് കാൽദിയൻ സഭയുടെ നേതൃത്വത്തിൽ അദ്ദായി-മാറിയുടെ അനഫോറ ഉപയോഗിച്ച് ദിവ്യബലി അർപ്പിക്കും. ഈ ദിവ്യബലിയിൽ സിറോ-മലബാർ സഭയും മേജർ ആർച്ച് ബിഷപ്പും മറ്റു മെത്രാൻമാരും, പുരോഹിതരും, വിശ്വാസികളും പങ്കാളിയാകുന്നു. അതേ ദിവസം രാവിലെ 10 മണിക്ക് പോപ് ഫ്രാൻസിസുമായുള്ള പ്രത്യേക അഭിമുഖദർശനവും ഉണ്ടായിരിക്കും.
മെയ് 12-ന് രാവിലെ 8.30-ന് എത്യോപ്യൻ റീത്തിൽ ദിവ്യബലി വിശുദ്ധ പത്രോസിന്റെ ബസിലിക്കയിൽ നടക്കും. അതിനുശേഷം പരിശുദ്ധ മാതാവിന്റെ ബസിലിക്കയിൽ 1 മണിക്ക് അർമേനിയൻ റീത്തിൽ, 3 മണിക്ക് കോപ്റ്റിക് റീത്തിൽ ദിവ്യബലികൾ അർപ്പിക്കും. മെയ് 13-ന് വൈകിട്ട് 6.45-ന് സിറോ-മലബാർ, മാറോനൈറ്റ്, സിറോ-മലങ്കര സഭകളുടെ നേതൃത്വത്തിൽ സായാഹ്ന പ്രാർത്ഥന നടക്കും. മെയ് 14-ന് 2 മണിക്ക് ബൈസന്റൈൻ റീത്തിൽ ദിവ്യബലി അർപ്പിച്ചുകൊണ്ട് ജുബിലി ആഘോഷങ്ങൾ സമാപിക്കും.
റോമിലെ ഈ മഹത്തായ ആഘോഷങ്ങളുടെ ഭാഗമായി, അമേരിക്കയിലെ ഷിക്കാഗോ സിറോ-മലബാർ രൂപതയിൽ നിന്ന് ബിഷപ്പ് മാർ ജോയ് ആലപ്പാട്ടിന്റെ നേതൃത്വത്തിൽ പ്രത്യേക തീർഥാടന യാത്രയും ക്രമീകരിച്ചിട്ടുണ്ട്. ഇമ്മാനുവേൽ ഹോളിഡേയ്സ് എന്ന ഗ്ലോബൽ ടൂറിസം സ്ഥാപനം സംഘടിപ്പിക്കുന്ന ഈ തീർഥാടനം 2025 മെയ് 11 മുതൽ 17 വരെ നീളുന്നതാണ്. വിശുദ്ധ പത്രോസിന്റെ ബസിലിക്കയിലുളള സിറോ-മലബാർ ദിവ്യബലിയിൽ പങ്കെടുത്ത് മാർപാപ്പയുമായി കൂടിക്കാഴ്ച നടത്താനും വത്തിക്കാനിലെ നാല് പ്രധാന ബസിലിക്കകളിലേക്കും അസീസി, പാദുവ എന്നിവിടങ്ങളിലേക്കും തീർഥാടനം നടത്താനും അവസരമുണ്ടാകും.
പങ്കെടുക്കാൻ ആഗ്രഹിക്കുന്നവർ www.emmanuelholidays.com എന്ന വെബ്സൈറ്റ് സന്ദർശിക്കുകയോ +1 (914) 560-4000 / 914-602-2137 എന്ന നമ്പറിൽ വിളിക്കുകയോ info@emmanuelholidays.com എന്ന ഇമെയിലിലേക്ക് ബന്ധപ്പെട്ട് സീറ്റുകൾ ബുക്ക് ചെയ്യുകയോ ചെയ്യാം. സീറ്റുകൾ പരിമിതമായതിനാൽ പങ്കെടുക്കാൻ ആഗ്രഹിക്കുന്നവർ എത്രയും വേഗം ബുക്കിംഗ് നടപടികൾ പൂർത്തിയാക്കണമെന്ന് ബന്ധപ്പെട്ടവർ അറിയിച്ചു.
