നടിയെ ആക്രമിച്ച കേസ്: സിബിഐ അന്വേഷണമില്ല; ദിലീപിന്റെ ഹര്‍ജി ഹൈക്കോടതി തള്ളി

കൊച്ചി ∙ നടിയെ ആക്രമിച്ച കേസില്‍ സിബിഐ അന്വേഷണം ആവശ്യമില്ലെന്ന് ഹൈക്കോടതി. നടന്‍ ദിലീപ് സമര്‍പ്പിച്ച ഹര്‍ജിയിലാണ് ഹൈക്കോടതി ഡിവിഷന്‍ ബെഞ്ച് ഈ വിധി പ്രസ്താവിച്ചത്. കേസിന്റെ വിചാരണ അന്തിമഘട്ടത്തിലായിരിക്കെ വിചാരണ വൈകിപ്പിക്കാനാണ് ഹര്‍ജിയുടെ ലക്ഷ്യമെന്നാണ് കോടതിയുടെ നിരീക്ഷണം.

സിബിഐ അന്വേഷണം ആവശ്യപ്പെട്ട് ദിലീപ് ഇതിനു മുമ്പ് സിംഗിള്‍ ബെഞ്ചിനെ സമീപിച്ചിരുന്നുവെങ്കിലും അന്ന് ഹര്‍ജി തള്ളിയിരുന്നു. തുടര്‍ന്നാണ് ഡിവിഷന്‍ ബെഞ്ചിനെ സമീപിച്ചത്. ഈ അപേക്ഷയും ഹൈക്കോടതി നിരാകരിച്ചു.

പ്രമുഖ നടിയെ ഓടുന്ന കാറില്‍വെച്ച് ആക്രമിച്ച കേസിലാണ് നടന്‍ ദിലീപ് നിരവധി ആരോപണങ്ങള്‍ നേരിടുന്നത്.