വേൾഡ് മലയാളി കൗൺസിലിന്റെ ആഗോള പ്രസിഡന്റായി ബേബി മാത്യു സോമതീരം

ഷാർജ: വേൾഡ് മലയാളി കൗൺസിലിന്റെ 2025-27 കാലഘട്ടത്തിനുള്ള പുതിയ ഗ്ലോബൽ ഭാരവാഹികൾ ഷാർജയിൽ നടന്ന ചടങ്ങിലൂടെ ഔദ്യോഗികമായി ചുമതലയേറ്റു. ചെയർമാനായി ഐസക് ജോൺ പട്ടാണിപ്പറമ്പിലും, പ്രസിഡന്റായി ബേബി മാത്യു സോമതീരും, ജനറൽ സെക്രട്ടറിയായി മൂസക്കോയയും, ട്രഷററായി തോമസ് ചെല്ലത്തും സ്ഥാനമേറ്റു. ഗ്ലോബൽ ഗുഡ്‌വിൽ അംബാസഡറായി ജോണി കുരുവിളയും, അഡ്മിനിസ്‌ട്രേഷനിലെ വൈസ് പ്രസിഡന്റായി ശശി നടക്കലും ചുമതലയേറ്റവരിൽ പെടുന്നു.

അഡ്വൈസറി ബോർഡിന്റെ ചെയർമാനായി വർഗീസ് പനക്കൽ സ്ഥാനമേറ്റു. ഉപദേശകമാരായി ചാൾസ് പോൾ, ഡോമിനിക് ജോസഫ്, രജനീഷ് ബാബു, സിസിലി ജേക്കബ്, ഇർഫാൻ മാലിക്, ടി.കെ. വിജയൻ, ആൻസി ജോയ് എന്നിവരും സ്ഥാനമേറ്റിട്ടുണ്ട്.

വൈസ് ചെയർമാന്മാരായി ഷാഹുൽ ഹമീദ്, സി.യു. മത്തായി, സുഗതകുമാരി, കിള്ളിയൻ ജോസഫ്, അബ്ബാസ് ചെല്ലത്ത് എന്നിവരും തിരഞ്ഞടുക്കപ്പെട്ടു. സെക്രട്ടറിമാരായി സി.എ. ബിജു, സാം ജോസഫ്, ബിജു ചാക്കോ എന്നിവരും, ജോയിന്റ് ട്രഷററായി എം.കെ. രവീന്ദ്രനും ചുമതലയേറ്റു.

വനിതാ വിഭാഗത്തിന്റെ പ്രസിഡന്റായി എസ്തർ ഐസക്, സെക്രട്ടറിയായി ആനി പല്ലിയത്ത്, ട്രഷററായി ജമീല ഗുലാം എന്നിവരും സ്ഥാനമേറ്റു. സിഎൻഇസിയായി അഡ്വ. സുധാകരനും വിവിധ ഫോറങ്ങൾക്കായുള്ള പുതിയ നേതൃത്വം തിരഞ്ഞെടുത്തു.

ചടങ്ങിൽ രാഷ്ട്രീയ-സാമൂഹിക-സാംസ്കാരിക രംഗത്തെ പ്രമുഖർ പങ്കെടുത്തു. എം.എൽ.എമാരായ രമേശ് ചെന്നിത്തല, സജീഷ് ജോസഫ്, മുൻ ഡിപ്ലോമാറ്റ് ടി.പി. ശ്രീനിവാസൻ, എസ്എ സലീം, ഫൈസൽ കോട്ടിക്കോളൺ, പി.എച്ച്. കുര്യൻ ഐ.എ.എ.എസ്, പുനലൂർ സോമരാജൻ, പോളണ്ട് കോയ, ഷംസുദ്ദീൻ, നസിർ വിളയിൽ, മാത്തുക്കുട്ടി കടോൺ, പി.കെ. സജിത് കുമാർ, ജയിംസ് മാത്യു തുടങ്ങിയവർ ആശംസകൾ അറിയിച്ചു.

മിഡിൽ ഈസ്റ്റ് റീജിയന്റെ പുതിയ ഭാരവാഹികളായ ചെയർമാൻ സന്തോഷ് കെട്ടേത്, പ്രസിഡന്റ് വിനേഷ് മോഹൻ, സെക്രട്ടറി രാജീവ്, ട്രഷറാർ ജൂഡിൻ ഫെർണാണ്ടസ്, വൈസ് പ്രസിഡന്റ് തോമസ് ജോസഫ് എന്നിവരും ചടങ്ങിൽ സജീവമായി പങ്കെടുത്തു. വിവിധ റീജിയനുകളും പ്രോവിൻസുകളുടെയും പ്രതിനിധികൾ പരിപാടിയിൽ സന്നിഹിതരായിരുന്നു.