നെടുമ്പാശേരിക്കു സമീപം തുരുത്തിശ്ശേരിയിലെ സ്വന്തം ഫാംഹൗസിൽ പ്രമുഖ വൃക്കരോഗ വിദഗ്ധനും സീനിയർ സർജനുമായ ഡോ. ജോർജ് പി. ഏബ്രഹാം സ്വയംജീവനൊടുക്കിയ നിലയിൽ കണ്ടെത്തിയതായി റിപ്പോർട്ട്.
കൊച്ചിയിലെ ഒരു പ്രമുഖ സ്വകാര്യ ആശുപത്രിയിൽ വൃക്കരോഗ വിഭാഗത്തിലെ സീനിയർ സർജനായിരുന്നു അദ്ദേഹം. ഫാംഹൗസിൽ നിന്ന് ആത്മഹത്യാ കുറിപ്പ് കണ്ടെത്തിയിട്ടുണ്ട്, അതിൽ പ്രായാധിക്യവും ആരോഗ്യപ്രശ്നങ്ങളും പരാമർശിച്ചിരിക്കുന്നു.
വൃക്ക ശസ്ത്രക്രിയാ രംഗത്ത് സുപ്രധാന സംഭാവനകൾ നൽകിയ ഡോ. ജോർജ് പി. ഏബ്രഹാം, ഇന്നലെ വൈകുന്നേരം അനുജനൊപ്പം ഫാംഹൗസിലെത്തിയ ശേഷം അനുജനെ തിരിച്ചു വിട്ടിരുന്നു. രാത്രിയോടെ മരണാവസ്ഥയിൽ കണ്ടെത്തിയതായാണ് റിപ്പോർട്ടുകൾ.
ബ്രഹ്മപുരത്ത് ജനിച്ച അദ്ദേഹം എളംകുളം പളത്തുള്ളിലെ കൂളിയാട്ട് വീട്ടിലായിരുന്നു താമസം. അദ്ദേഹത്തിന്റെ സംസ്കാരം ഇന്ന് ഉച്ചയ്ക്ക് 1 മണിക്ക് ചെറുതോട്ടുകുന്നേൽ സെന്റ് ജോർജ് യാക്കോബായ സുറിയാനി പള്ളിയിൽ വച്ച് നടക്കും.
