കോൺഗ്രസിന്റെ ആദ്യ വനിതാ ലൈബ്രേറിയനെ പദവിയിൽ നിന്ന് നീക്കി : ഇതിഹാസം തകർത്ത് ട്രംപ്

വാഷിങ്ടൺ: അമേരിക്കൻ കോൺഗ്രസിന്റെ ലൈബ്രേറിയനായി ചരിത്രം കുറിച്ച ഡോ. കാർല ഹെയ്ഡനെ പ്രസിഡന്റ് ഡോണാൾഡ് ട്രംപ് പദവിയിൽ നിന്ന് നീക്കി. 2016 മുതൽ ഈ പദവി വഹിച്ചിരുന്ന ഹെയ്ഡൻ ആദ്യ വനിതയും ആദ്യ ആഫ്രോ-അമേരിക്കക്കാരിയുമായിരുന്നു.

പ്രസിഡൻഷ്യൽ ഓഫീസ് പേഴ്‌സണൽ ഡെപ്യൂട്ടി ഡയറക്ടർ ട്രെന്റ് മോഴ്‌സ് ഹെയ്ഡനോട് പദവിയിൽ നിന്ന് ഒഴിയാൻ ആവശ്യപ്പെട്ട് ഇമെയിൽ അയച്ചതായി റിപ്പോർട്ടുകൾ പറയുന്നു.

“ഈ നീക്കം അപമാനകരവും അഴിമതിയുടെയും നിരോധനത്തിൻ്റെയും ലക്ഷണമാണെന്ന്” ഹൗസ് ന്യൂനപക്ഷ നേതാവ് ഹക്കീം ജെഫ്രീസ് വിമർശിച്ചു. ട്രംപ് പുസ്തകങ്ങൾ നിരോധിക്കാനും ചരിത്രം വെള്ളപൂശാനും സമൂഹത്തെ പിന്നോട്ട് നയിക്കാനുമാണ് ശ്രമിക്കുന്നതെന്നും അദ്ദേഹം പറഞ്ഞു.

1993 മുതൽ 2016 വരെ മേരിലാൻഡിലെ ബാൾട്ടിമോറിലുള്ള എനോക്ക് പ്രാറ്റ് ഫ്രീ ലൈബ്രറിയുടെ സിഇഒ ആയിരുന്ന ഹെയ്ഡൻ, 2016 ൽ കോൺഗ്രസിന്റെ ലൈബ്രേറിയനായി നിയമിക്കപ്പെട്ടു.

“ഒരു കറുത്തവളായി വളർന്നപ്പോൾ പോലും വായിക്കാനും പഠിക്കാനും നിയമപരമായ വിലക്കുകൾ അനുഭവിച്ചിരുന്നു,” ഹെയ്ഡൻ 2020ൽ ഒരു അഭിമുഖത്തിൽ പറഞ്ഞിരുന്നു.

സെനറ്റ് ഡെമോക്രാറ്റിക് നേതാവ് ചക്ക് ഷൂമർ ട്രംപിന്റെ തീരുമാനത്തെ കടുത്ത വിമർശനം ഉന്നയിച്ചു. “കോൺഗ്രസ് ലൈബ്രേറിയൻ സ്ഥാനത്തേക്ക് ആരെ നിയമിക്കണം എന്നത് ഒരു കമ്മീഷൻ നിർണ്ണയിക്കേണ്ട കാര്യമാണ്. ഫെഡറൽ നിയമനം റിയാലിറ്റി ഷോ സമ്മാനങ്ങൾ പോലെ പരിഗണിക്കേണ്ടതല്ല,” അദ്ദേഹം പറഞ്ഞു.

ട്രംപിന്റെ ഈ നീക്കം വൻ രാഷ്ട്രീയചർച്ചകൾക്കും നയം സംബന്ധിയായ വിമർശനങ്ങൾക്കും വഴിവെക്കുകയാണ്.