ഡാലസ്∙ ഡാലസിലെ മലയാളി സോക്കർ ക്ലബായ ഫുട്ബോൾ ക്ലബ് ഓഫ് കരോൾട്ടൺ (എഫ്സിസി ഡാലസ്) ഒരുക്കുന്ന പ്രശസ്തമായ ടെക്സസ് കപ്പ് സോക്കർ ടൂർണമെന്റ് ഈ വർഷം പതിനായിരം ആവേശം നിറച്ച് പതിനായാംവതിയെത്തുന്നു. മനോജ് ചാക്കോയെ അനുസ്മരിക്കുന്ന എവർ റോളിങ് ട്രോഫിക്കായി സംഘടിപ്പിക്കുന്ന ടൂർണമെന്റ് ജൂൺ 7 ശനിയാഴ്ച ഡെന്റണിലെ ക്രോസ്ബാർ സോക്കർ ലീഗ് ഫീൽഡ്സിൽ നടക്കും.
രാവിലെ 7.30ന് തുടങ്ങുന്ന മത്സരങ്ങൾ ഓപ്പൺ വിഭാഗത്തിലും 40 വയസിന് മുകളിലുള്ള താരങ്ങൾക്കായുള്ള പ്രത്യേക വിഭാഗത്തിലും ഒരേസമയം നടക്കും. സെമിഫൈനലുകൾ വൈകിട്ട് 4 മണിക്കും ഫൈനൽ മത്സരങ്ങൾ വൈകിട്ട് 6 മണിക്കും തുടങ്ങും. ഡാലസ്, ഹൂസ്റ്റൺ, മയാമി, ഓക്ലഹോമ തുടങ്ങിയ നഗരങ്ങളിൽ നിന്നായി 16 മലയാളി ക്ലബുകൾ അണിനിരക്കുന്നു. എഫ്സിസി ഡാലസ്, ഡാലസ് ഡയനാമോസ്, എംഎഎസ്സി മയാമി, എഎസ്എ ഡാലസ്, ഹൂസ്റ്റൺ യുണൈറ്റഡ്, ഓക്ലഹോമ യുണൈറ്റഡ് എഫ്സി, ഹൂസ്റ്റൺ സ്ട്രൈക്കേഴ്സ് ഉൾപ്പെടെയുള്ള ടീമുകൾ പങ്കെടുക്കുന്ന ഈ ടൂർണമെന്റ് മികച്ച മത്സരങ്ങൾക്കും മലയാളി ആവേശത്തിനുമുള്ള വേദിയാകും.
ടൂർണമെന്റിന്റെ ഒരുക്കങ്ങൾ പൂർത്തിയായതായി എഫ്സിസി ഡാലസ് പ്രസിഡന്റ് പ്രദീപ് ഫിലിപ്പ്, സെക്രട്ടറി അഖിൽ രാധാകൃഷ്ണൻ, ഇവന്റ് കോഓർഡിനേറ്റർ മഞ്ചേഷ് ചാക്കോ, കോ-കോഓർഡിനേറ്റർമാരായ ആശിഷ് തെക്കേടം, ഉമ്മൻ തോമസ് എന്നിവർ അറിയിച്ചു.
ഡാലസിലെ മലയാളി കായിക സംസ്കാരത്തിന് പുതുചൈതന്യമേകുന്ന ഈ ടൂർണമെന്റ്, യൂത്ത് കണക്റ്റ് മുതൽ നാടിന്റെ ഐക്യവും ആത്മാഭിമാനവും വരെ പ്രതിഫലിപ്പിക്കുന്ന മഹത്തായ ഇടവേളയാകുമെന്നു എല്ലാവരും പ്രതീക്ഷിക്കുന്നു.
