അലാസ്ക ഉച്ചകോടി പരാജയം: കരാറില്ലാതെ ട്രംപും പുട്ടിനും മടങ്ങി
അലാസ്ക ∙ ലോകം ആകാംഷയോടെ കാത്തിരുന്ന യുഎസ്–റഷ്യ ഉച്ചകോടി നിരാശാജനകമായ പര്യവസാനത്തിലേക്ക്. യുക്രെയ്ന് സംഘര്ഷത്തിന് അറുതിവരുത്തുക എന്ന പ്രധാന ലക്ഷ്യത്തോടെ അലാസ്കയിലെ ആങ്കെറിജില് നടന്ന ചർച്ചകള് മണിക്കൂറുകള് നീണ്ടുനിന്നെങ്കിലും ഇരുപക്ഷവും സ്വന്തം നിലപാടുകളില് ഉറച്ചുനിന്നതോടെ തീരുമാനങ്ങളില്ലാതെ പിരിഞ്ഞു.
യുക്രെയ്നില് ഉടന് വെടിനിര്ത്തല് നടപ്പാക്കണമെന്നായിരുന്നു അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രധാന ആവശ്യം. എന്നാല് റഷ്യയ്ക്കെതിരായ സാമ്പത്തിക ഉപരോധങ്ങള് പിൻവലിക്കണമെന്നതും റഷ്യയുടെ സുരക്ഷാ താല്പര്യങ്ങള് അംഗീകരിക്കണമെന്നതുമില്ലാതെ യാതൊരു ധാരണക്കും തയ്യാറല്ലെന്ന് റഷ്യന് പ്രസിഡന്റ് വ്ലാഡിമിര് പുട്ടിന് വ്യക്തമാക്കി.
“സമാധാനത്തിനുള്ള അവസരമായിരുന്നു ഇത്, പക്ഷേ ചില വിഷയങ്ങളില് യോജിപ്പിലേക്കെത്താന് സാധിച്ചില്ല. ചർച്ചകള് തുടരുന്നതായിരിക്കും,” എന്ന് പ്രസിഡന്റ് ട്രംപ് മാധ്യമങ്ങളോട് പ്രതികരിച്ചു.
വെടിനിര്ത്തല് എന്ന പ്രാഥമിക ലക്ഷ്യം കൈവരിക്കാതിരുന്ന സാഹചര്യത്തില് ഉച്ചകോടിയുടെ പരാജയം യുക്രെയ്നിലെ സംഘര്ഷം ഇനിയും ദൈര്ഘ്യമാകുമെന്ന സൂചന നല്കുന്നു. നയതന്ത്ര ചർച്ചകളുടെ വാതില് പൂര്ണമായി അടഞ്ഞിട്ടില്ലെങ്കിലും, അടുത്ത കാലത്ത് സമാധാന കരാറിന് സാധ്യത കുറഞ്ഞതായി വിദഗ്ധര് വിലയിരുത്തുന്നു.
ആഗോള രാഷ്ട്രീയത്തില് നിര്ണായകമാകുമെന്ന പ്രതീക്ഷ നല്കിയിരുന്ന ഒരു കൂടിക്കാഴ്ച, അങ്ങനെ കരാറുകളില്ലാതെ ചരിത്രത്തിന്റെ ഭാഗമായിരിക്കുകയാണ്.
