മനുഷ്യരാശിക്ക് ഭീഷണിയായേക്കാം; പുതിയ AI മോഡലിന്റെ റിലീസ് തടഞ്ഞ് ആന്ത്രോപിക്.
മനുഷ്യർക്ക് അതീവ അപകടകാരിയായേക്കാം എന്ന മുന്നറിയിപ്പോടെ തങ്ങളുടെ പുതിയ AI മോഡലായ ‘മിത്തോസ്’ (Mythos) പുറത്തുവിടുന്നത് ആന്ത്രോപിക് (Anthropic) തടഞ്ഞു. പവർ പ്ലാന്റുകൾ, ആശുപത്രികൾ, ഇലക്ട്രിക്കൽ ഗ്രിഡുകൾ തുടങ്ങിയ നിർണ്ണായക സംവിധാനങ്ങൾ ഹാക്ക് ചെയ്യാൻ ഈ മോഡലിന് ശേഷിയുണ്ടെന്ന് കണ്ടെത്തിയതിനെത്തുടർന്നാണിത്.
സോഫ്റ്റ്വെയറുകളിലെ തകരാറുകൾ കണ്ടെത്താനും അവ ദുരുപയോഗം ചെയ്യാനും ഏറ്റവും മികച്ച മനുഷ്യ ഹാക്കർമാരെക്കാൾ വേഗത്തിൽ ഈ AI-ക്ക് സാധിക്കും.
പൊതുജനങ്ങൾക്ക് ലഭ്യമാക്കുന്നതിന് പകരം, സുരക്ഷാ പരിശോധനകൾക്കായി ഗൂഗിൾ, ആമസോൺ, ആപ്പിൾ തുടങ്ങി 40-ഓളം പ്രമുഖ കമ്പനികൾക്ക് മാത്രമായി ഈ മോഡൽ കൈമാറും.
സാങ്കേതിക മുന്നേറ്റം രാജ്യങ്ങളുടെ സുരക്ഷയെയും ആഗോള സാമ്പത്തിക വ്യവസ്ഥയെയും തകിടം മറിക്കുമോ എന്ന ഭീതിയിലാണ് വിദഗ്ധർ.
അറിവ് വർദ്ധിക്കുന്ന ഈ കാലഘട്ടത്തിൽ, സാങ്കേതികവിദ്യയും അപകടസാധ്യതയും തമ്മിലുള്ള ദൂരം കുറയുന്നതിന്റെ സൂചനയാണിതെന്ന് റിപ്പോർട്ടുകൾ ചൂണ്ടിക്കാട്ടുന്നു.
പി പി ചെറിയാൻ
