അമേരിക്കയിൽ 11,460 കുപ്പി രക്തസമ്മർദ്ദ മരുന്ന് റീക്കോൾ; രോഗികൾക്ക് FDA ജാഗ്രതാ നിർദേശം
വാഷിംഗ്ടൺ: അമേരിക്കൻ ഭക്ഷ്യ-മരുന്ന് നിയന്ത്രണ ഏജൻസിയായ FDA, ഉയർന്ന രക്തസമ്മർദ്ദം (High Blood Pressure) നിയന്ത്രിക്കാൻ ഉപയോഗിക്കുന്ന Chlorthalidone 25 mg ഗുളികകളുടെ 11,460 കുപ്പികൾ രാജ്യവ്യാപകമായി റീക്കോൾ ചെയ്തതായി അറിയിച്ചു. മരുന്ന് ശരീരത്തിൽ ആവശ്യമായ രീതിയിൽ ലയിക്കാത്തതിനാൽ (failed dissolution specifications) അതിന്റെ ഫലപ്രാപ്തി കുറയാൻ സാധ്യതയുണ്ടെന്നാണ് അധികൃതർ വ്യക്തമാക്കിയത്.
റീക്കോൾ ചെയ്ത മരുന്നുകൾ ഇന്ത്യയിലെ Inventia Healthcare Limited നിർമ്മിച്ചതും അമേരിക്കയിൽ Rising Pharma Holdings വിതരണം ചെയ്തതുമാണ്. ബാധിക്കപ്പെട്ട മരുന്നുകളുടെ കാലാവധി 2027 ഏപ്രിൽ വരെയാണെന്ന് റിപ്പോർട്ടുകൾ വ്യക്തമാക്കുന്നു.
FDA ഇതുവരെ റീക്കോളിന്റെ അപകടനില (risk classification) പ്രഖ്യാപിച്ചിട്ടില്ല. എന്നാൽ ഈ മരുന്ന് ഉപയോഗിക്കുന്നവർ ഡോക്ടറുടെയോ ഫാർമസിസ്റ്റിന്റെയോ നിർദേശം കൂടാതെ മരുന്ന് പെട്ടെന്ന് നിർത്തരുതെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു.
രക്തസമ്മർദ്ദ നിയന്ത്രണത്തിനും ശരീരത്തിലെ അധിക ദ്രാവക ശേഖരണം കുറയ്ക്കുന്നതിനുമാണ് Chlorthalidone സാധാരണയായി ഉപയോഗിക്കുന്നത്. മരുന്ന് കൈവശമുള്ളവർ കുപ്പിയിലെ ലോട്ട് നമ്പറും കാലാവധി തീയതിയും പരിശോധിച്ച് ഫാർമസിയുമായി ബന്ധപ്പെടണമെന്ന് FDA നിർദേശിക്കുന്നു.
വാർത്ത: പ്രസാദ് തീയാടിക്കൽ
