ന്യൂയോര്ക്ക് : ന്യൂയോര്ക്കില് നടന്ന എന്പിസി ശരീര സൗന്ദര്യ മത്സരത്തില് അമേരിക്കന് മലയാളിയായ സിദ്ധാര്ഥ് ബാലകൃഷ്ണന് ഒന്നാം സ്ഥാനം നേടി. കഠിനാധ്വാനത്തിലും ത്യാഗങ്ങളിലും നിന്നുമുള്ള ഈ വിജയം, ലോക ബോഡിബിൽഡിംഗ് വേദികളിലേക്കുള്ള സിദ്ധാര്ഥിന്റെ പിന്നെയുള്ള വലിയ ചുവടായിത്തീര്ന്നു.
25 വര്ഷമായി യുഎസില് താമസിക്കുന്ന സിദ്ധാര്ഥ് മലയാളം മനസ്സില് സൂക്ഷിക്കുന്ന ഒരാളാണ്. മത്സര വേദിയില് വന്ന് വിജയിയാകുമ്പോഴും, ഭാരതീയ സമ്പ്രദായം മറക്കാതെ കൈകളോടെ നമസ്കാരം ചെയ്ത് വേദി വിടുകയായിരുന്നു സിദ്ധാര്ഥ്.
ബോഡിബില്ഡിങ്ങില് ‘എന്പിസി ഫിസിക്’ വിഭാഗത്തില് വിജയിച്ച ആദ്യ ഇന്ത്യന് അമേരിക്കന് താരമാകുന്നതിന്റെ അഭിമാനവും ഈ നേട്ടത്തിന് പങ്കാളിയാണ്. മുന്പ് ‘മിസ്റ്റര് യുണിവേഴ്സ്’ പട്ടം നേടുകയും, അതിനോടൊപ്പം പ്രൊഫഷണല് ബോഡിബില്ഡിങ്ങിന് വേണ്ട ‘പ്രൊ കാര്ഡ്’ ലഭിക്കുകയും ചെയ്തിരുന്നു. ഇനി മിസ്റ്റര് ഒളിംപിയയിലേക്ക് മാത്രം ചില ചുവടുകള് ബാക്കി.
സിദ്ധാര്ഥ് കുറച്ചുനാള് യുഎസ് നേവിയില് സേവനം ചെയ്തയാളാണ്. അഫ്ഗാനിസ്ഥാനിലുണ്ടായിരുന്ന സൈനിക പ്രവർത്തനങ്ങളിലും പങ്കാളിയായിട്ടുണ്ട്. പിന്നീട് ക്ലിനിക്കല് സൈക്കോളജിസ്റ്റായി ജോലിചെയ്തു. ശരീരശാസ്ത്രത്തിലും ആരോഗ്യപരമായ ജീവിതരീതിയിലും താല്പര്യമുണ്ടായിരുന്ന സിദ്ധാര്ഥ് പിന്നീട് ബോഡിബില്ഡിങ്ങ് ഒരു ജീവിതരൂപമാക്കി.
അവന് പറയുന്നത് “ഇത് എളുപ്പമല്ല. ഒരുപാടു ത്യാഗങ്ങള് വേണം. രുചികരമായ ഭക്ഷണങ്ങളൊക്കെ ഉപേക്ഷിച്ച് ലക്ഷ്യത്തിലേക്ക് ശ്രമിക്കണം.”
മകന്റെ സ്വപ്നങ്ങള്ക്കു കരുത്താകാന് മാതാപിതാക്കള് എന്നും ഒപ്പമുണ്ടായിരുന്നു. കോട്ടയം നാഗമ്പടം സ്വദേശിയായ ബാലു മേനോനാണ് സിദ്ധാര്ഥിന്റെ പിതാവ്. ഉമയാണ് മാതാവ്. കുറച്ചു വർഷങ്ങൾക്ക് മുൻപ് ഇവര് യുഎസിലേക്ക് കുടിയേറിയവരാണ്. ഇപ്പോഴും കുടുംബത്തിന്റെ പിന്തുണ സിദ്ധാര്ഥിനൊപ്പം ഉണ്ട് – ഭാര്യ കോറിയും മകള് ഹാർലിയും അവന്റെ വിജയത്തില് സന്തോഷത്തോടെ പങ്കുചേരുന്നു.
