ഐഎപിസിയുടെ പത്താമത് അന്താരാഷ്ട്ര മാധ്യമ സമ്മേളനം ഫിലഡൽഫിയയിൽ മെയ് 3 മുതൽ
ന്യൂയോര്‍ക്ക്: അമേരിക്കയിലെയും കാനഡയിലെയും ഇന്ത്യൻ മാധ്യമപ്രവര്‍ത്തകരെ ഒരുമിച്ചു നിർത്തുന്ന ഇൻഡോ അമേരിക്കൻ പ്രസ് ക്ലബ് (ഐഎപിസി) സംഘടിപ്പിക്കുന്ന പത്താമത് അന്താരാഷ്ട്ര മാധ്യമ സമ്മേളനത്തിന് ഫിലഡൽഫിയയിൽ ഒരുക്കങ്ങൾ പൂർത്തിയായി. മെയ് 3 മുതൽ 5 വരെ നടക്കുന്ന സമ്മേളനം ഫിലഡൽഫിയയിലെ പൊക്കോണോസിലുള്ള വുഡ്‌ലാൻഡ് ഇൻ ആൻഡ് റിസോർട്ടിലാണ് നടക്കുന്നത്.
ഐഎപിസിയുടെ ചെയർമാൻ ഡോ. ഇന്ദ്രനിൽ ബസു റേയും പ്രസിഡന്റ് ആസാദ് ജയനും വ്യക്തമാക്കി , ഇത്തവണത്തെ സമ്മേളനത്തോടൊപ്പം സംഘടനയുടെ പന്ത്രണ്ടാം വാർഷികവും ആഘോഷിക്കുന്നു. വിവിധ രാജ്യങ്ങളില്‍ നിന്നുള്ള പ്രമുഖ മാധ്യമപ്രവര്‍ത്തകർ പങ്കെടുക്കുന്ന സെമിനാറുകളും ചർച്ചകളും സംഘടിപ്പിച്ചിട്ടുണ്ട്.
കേരളത്തിലെ മാധ്യമ രംഗത്തെ പ്രശസ്തരായ ചിലർ മുഖ്യാതിഥികളായി പങ്കെടുക്കും. മനോരമ ന്യൂസ് ചീഫ് കോ-ഓർഡിനേറ്റിങ് എഡിറ്റർ റോമി മാത്യു, റിപ്പോർട്ടർ ടിവിയുടെ എക്സിക്യൂട്ടീവ് എഡിറ്റർ സ്മൃതി പരുത്തിക്കാട്, 24 ന്യൂസിന്റെ എഡിറ്റർ ഗോപീകൃഷ്ണൻ കെ.ആർ, മാതൃഭൂമി ന്യൂസിലെ ചീഫ് സബ് എഡിറ്റർ മാതു സജി എന്നിവർ പരിപാടിയിൽ സംസാരിക്കും. കേരള നിയമസഭാംഗം രാജു എബ്രഹാമും സമ്മേളനത്തിൽ പങ്കെടുക്കും.
ശനിയാഴ്ച വൈകിട്ട് ഔദ്യോഗിക ഉദ്ഘാടനം നടക്കും. ഞായറാഴ്ച മൂന്നു സെമിനാറുകളിലായി മാധ്യമ പ്രവർത്തകരുമായും അതിഥികളുമായും സംവാദങ്ങൾ നടക്കും. സാമൂഹികവും സാംസ്‌കാരികവുമായ മേഖലകളിൽ കഴിവ് തെളിയിച്ചവരെ ചടങ്ങിൽ ആദരിക്കും. ഗോപിയോ ഇന്റർനാഷണലിന്റെ പ്രസിഡന്റ് പ്രകാശ് ഷാ, ബോബ് വർഗീസ്, ബി. മാധവൻ നായർ, രോഹിത് വ്യാസ്, അഞ്ചു വല്ലഭനെനി, ഡോ. വേമുറി എസ് മൂർത്തി, ഡോ. സതീഷ് കത്തുള്ള, സാം മടുള്ള തുടങ്ങിയവർക്ക് ലൈഫ് ടൈം അച്ചീവ്‌മെന്റ് പുരസ്‌കാരങ്ങൾ നൽകും. വിൽക്കിസ് ബാരെയിലെ മേയർ ജോർജ് സി. ബ്രൗൺ ചടങ്ങിന്റെ മുഖ്യാതിഥിയായിരിക്കും.
ഐഎപിസി 2013ൽ ന്യൂജഴ്‌സിയിലാണ് രൂപംകൊണ്ടത്. നോർത്ത് അമേരിക്കയിലെ ഇന്ത്യൻ മാധ്യമപ്രവർത്തകർക്ക് അനുയോജ്യമായ രീതിയിൽ ജോലി ചെയ്യാൻ സഹായകമായ പദ്ധതികൾ സംഘടന നടപ്പിലാക്കി വരുന്നു. ലോകത്തിന്റെ വിവിധ ഭാഗങ്ങളിലുള്ള മാധ്യമപ്രവർത്തകരെ കൊണ്ട് അമേരിക്കയിൽ സമ്മേളനങ്ങൾ സംഘടിപ്പിക്കുന്നതിലൂടെ പുതിയ അറിവുകൾ അംഗങ്ങൾക്ക് നൽകാൻ ശ്രമിക്കുന്നതായി ചെയർമാൻ ഡോ. ഇന്ദ്രനിൽ ബസു റേ പറഞ്ഞു.
വളരുന്ന മാധ്യമപ്രവർത്തകരെ ഒരു പ്ലാറ്റ്‌ഫോമിൽ കൊണ്ടുവരാനും നൂതന സാങ്കേതിക വിദ്യകൾ ഉപയോഗിച്ച് പരിശീലനം നൽകാനും പ്രോത്സാഹിപ്പിക്കാനുമാണ് സംഘടനയുടെ ശ്രമമെന്ന് ദേശീയ പ്രസിഡന്റ് ആസാദ് ജയൻ പറഞ്ഞു. ആരംഭഘട്ടം വെല്ലുവിളികളോടെ നിറഞ്ഞിരുന്നെങ്കിലും പ്രസ് ക്ലബിന്റെ അംഗങ്ങളുടെ താത്പര്യവും പരിശ്രമവും കൊണ്ട് ഐഎപിസി വലിയ മുന്നേറ്റം കൈവരിച്ചു എന്ന് സ്ഥാപക ചെയർമാനും ഡയറക്ടറുമായ ജിന്‍സ്‌മോൻ പി. സക്കറിയ പറഞ്ഞു.
കോൺഫറൻസ് ചെയർമാനായി ജേക്കബ് ഏബ്രഹാം പ്രവർത്തിക്കുന്നു. കോ-ചെയർമാനായി ആഷ്‌ലി ജോസഫും, ഡയറക്ടർ ബോർഡ് അംഗങ്ങളായ ഡോ. മാത്യു ജോയ്‌സ്, അജയ് ഘോഷ്, കമലേഷ് മേത്ത, മീന ചിറ്റിലപ്പള്ളി, സി.ജി. ഡാനിയേൽ, പ്രവീൺ ചോപ്ര, ഡോ. പി.വി ബൈജു, ജേക്കബ് കുടശ്ശനാട്, റെജി ഫിലിപ്പ്, ഡോ. റെനി മെഹ്‌റ, ജോസഫ് ജോൺ, കോരസൺ വർഗീസ്, ജോജി കാവനാൽ, അനിൽ അഗസ്റ്റിൻ, ഡോ. ഈപ്പൻ ഡാനിയേൽ തുടങ്ങിയവരും പരിപാടിയുടെ ഒരുക്കങ്ങളിൽ സജീവമായി ഇടപെടുന്നു.
എക്സിക്യൂട്ടീവ് വൈസ് പ്രസിഡന്റ് ജെയിംസ് കുരീക്കാട്ടിൽ, ജനറൽ സെക്രട്ടറി ഷാൻ ജെസ്റ്റസ്, ട്രെഷറർ സണ്ണി ജോർജ്, എക്സിക്യൂട്ടീവ് അംഗങ്ങളായ പട്രീഷ്യ ഉമാശങ്കർ, പ്രൊഫ. ജോയ് പല്ലാട്ടുമഠം, സുനിൽ മഞ്ഞനിക്കര, ഷിബി റോയ്, ടോസിൻ എബ്രഹാം, നിഷ ജൂഡ്, ചാക്കോ ജെയിംസ്, തൃശൂർ ജേക്കബ്, ജോമോൻ ജോയ്, മിലി ഫിലിപ്പ്, ജിജി കുര്യൻ, റിജേഷ് പീറ്റർ, നോബിൾ അഗസ്റ്റിൻ എന്നിവരും ഐക്യദാർഢ്യത്തോടെ പരിപാടിക്ക് നേതൃത്വം നൽകുന്നു.
